Qonun va farmonlar...

Respublikamiz o`z mustaqilligini qo`lga kiritgach barcha sohada bo`lgani singari fan va maorif sohasi bo`yicha ham qator qonun va qarorlar qabul qilindi.

O`zbekiston Respublikasi Konstitutsiyasining Muqaddimasida xalqimizning asosiy maqsadlaridan biri insonparvar, demokratik, huquqiy davlat barpo qilish deb ko`rsatilgan.

Mustaqil davlat poydevorini yaratuvchilar huquqiy jihatdan bilimli, tarbiyali, ongli bo`lishlari kerak. Qonun-qoidalarni biladigan, ularga rioya qiladigan, jamiyat ishlarini bajarishda madaniy saviyasi yuqori bo`lgan shaxslarni shakllantirish, ya`ni ularni huquqiy tarbiyalash jamiyatimizning asosiy maqsadlardan biri hisoblanadi.

Huquqiy tarbiya esa, insonni jamiyatda o`rnatilgan qonun-qoidalarga rioya etish, ularni hurmat qilishga chorlaydi. Yurtboshimiz I.A.Karimov, Iqtisodiy, siyosiy va eng avvalo huquqiy makonga tegishlicha bosqichma-bosqich ta’minlanib borilmas ekan, insonning barcha huquqlari- davlat ishlarini yuritishda qatnashishi, e’tiqod erkinligi, yig`ilishlar, uyushmalar erkinligi va shu kabi huquqlar havoda muallaq bo`lib qolaveradi, deb ta’kidlashi bejiz emas.

Demak jamiyatdagi har bir shaxs o`z huquq va erkinliklarini bilishi, uni uchun esa chiqarilayotgan qonun va qarorlardan doimo habardor bo`lib o`z huquqiy bilimini oshirib borishi darkor.